اقوام متحدہ کے ادارہ خوراک و زراعت (ایف اے او) کی رپورٹ ’فوڈ سپلائی فار ہیلتھی ڈائٹس اِن پاکستان‘ میں کہا گیا ہے کہ پاکستان میں 60 فیصد سے زیادہ آبادی قومی غذائی رہنما اصولوں کے مطابق صحت مند غذا کا خرچ برداشت نہیں کر سکتی۔ رپورٹ میں دستیاب خوراک میں سبزیوں، پھلوں، دالوں، جڑوں اور ٹیوبرز کی کمی اور اناج و چینی کی زیادہ فراہمی کی نشان دہی کی گئی ہے۔ ایف اے او نے زرعی و غذائی نظام میں تبدیلی، قومی غذائی رہنما اصولوں کی اپ ڈیٹ، غذائی تعلیم، لیبلنگ اور اسکول میل پروگراموں کی توسیع، پیداوار اور مارکیٹ انفراسٹرکچر میں سرمایہ کاری سمیت متعدد پالیسی سفارشات تجویز کیں تاکہ صحت مند غذا کی رسائی اور استعمال میں بہتری لائی جا سکے۔
