فیڈرل بورڈ آف ریونیو (ایف بی آر) نے ٹیکس سال 2026 کے لیے انکم ٹیکس ریٹرن جمع کرانے کی آخری تاریخ 30 ستمبر 2026 سے بڑھا کر 15 اکتوبر 2026 کر دی ہے۔ اعلامیے کے مطابق یہ فیصلہ مختلف تجارتی تنظیموں اور ٹیکس بار ایسوسی ایشنز کی درخواستوں پر کیا گیا۔ نئی مہلت ان افراد پر لاگو ہوگی جن کے لیے قانون کے تحت 30 ستمبر 2026 تک ریٹرن داخل کرنا ضروری تھا۔ ایف بی آر نے بتایا کہ 29 ستمبر تک مجموعی ریٹرن فائلنگ 5.181 ملین تک پہنچ گئی تھی اور اس سے قبل متعلقہ مدت میں یہ 3.553 ملین تھی۔ ریٹرن کی درست تکمیل اور واجب الادا ٹیکس کی ادائیگی سے متعلق قانونی تقاضے برقرار رہیں گے۔
