فیڈرل پرزن اینڈ کریکشنل فیسلٹی ایکٹ 2026 کا حتمی مسودہ سینئر سپرنٹنڈنٹ آف پرزن علی اکبر نے تیار کر کے وزارت داخلہ کو منظوری کے لیے بھیج دیا گیا ہے۔ مسودہ ابھی محض تجویز ہے اور وزارت داخلہ کی منظوری اور بعد کے قانون سازی مراحل کے بعد ہی حتمی قانون بنے گا۔ مجوزہ قانون میں قیدیوں کے بنیادی حقوق، بحالی اور ریہیبلی ٹیٹنگ پروگرام، آزادانہ شکایتی طریقہ کار، طبی و نفسیاتی معائنے، جیلوں کی درجہ بندی، توسیع، منتقلی یا عارضی سہولتیں قرار دینے کے اختیارات، خط و کتابت اور آڈیو/ویڈیو رابطوں کی سہولت، شریکِ حیات سے ملاقات و ازدواجی حقوق، جیل افسران کے نظم و ضبط اور اپیل کے طریقہ کار، سکیورٹی آلات اور جدید ٹیکنالوجی کے استعمال کے ضوابط، اور چیف کمشنر کی سربراہی میں پرزن مینجمنٹ بورڈ اور اس کے تحت اوور سائٹ کمیٹی کے قیام کا فریم ورک شامل ہیں۔ مسودے کی دفعات میں وزارت اور پارلیمانی مراحل میں تبدیلی کی گنجائش رہتی ہے۔
