پاکستان کے مستقل مندوب عاصم افتخار احمد 15 اکتوبر 2026 کو سیکرٹری خارجہ کا عہدہ سنبھالیں گے۔ موجودہ سیکرٹری خارجہ آمنہ بلوچ کو ریٹائرمنٹ کے بعد دو سال کے کنٹریکٹ پر ترکی میں پاکستان کی سفیر مقرر کیا گیا ہے۔ رپورٹ کے مطابق وزارت خارجہ اور بیرونِ ملک مشنز میں متعدد سینئر سطح کی تعیناتیاں بھی کی گئی ہیں جن میں سلمان شریف کو جرمنی کا سفیر، محمد آصف خان کو وزیراعظم آفس میں ڈائریکٹر جنرل برائے خارجہ امور، قائم مقام سیکرٹری محمد خلیل ہاشمی کو شنگھائی تعاون تنظیم کا نیشنل کوآرڈینیٹر اور ڈاکٹر محمد فیصل کو ایڈیشنل سیکرٹری برائے ایشیا پیسیفک شامل ہیں۔ یہ تبدیلیاں اس وقت ہو رہی ہیں جب پاکستان اگلے سال شنگھائی تعاون تنظیم کے سربراہانِ مملکت اجلاس کی میزبانی کی تیاری کر رہا ہے۔
