ایف پی سی سی آئی کی انکم ٹیکس ریٹرن جمع کرانے کی مدت 30 ستمبر سے یک ماہ بڑھانے کی اپیل

فیڈریشن آف پاکستان چیمبرز آف کامرس اینڈ انڈسٹری (ایف پی سی سی آئی) نے حکومت سے انکم ٹیکس ریٹرن جمع کرانے کی آخری تاریخ کو 30 ستمبر سے بڑھا کر 31 اکتوبر کرنے کا مطالبہ کیا ہے۔ تنظیم نے i-RES پورٹل کی سست روی اور حالیہ ٹیکس قوانین و رپورٹنگ تقاضوں میں تبدیلیوں کو درخواست کی وجہ قرار دیا ہے اور کہاکہ ایک ماہ کی توسیع سے ٹیکس تعمیل اور ٹیکس بیس میں اضافہ ممکن ہے۔ رپورٹ میں کہا گیا ہے کہ حکومت یا فیڈرل بورڈ آف ریونیو کی طرف سے توسیع کی باضابطہ منظوری کی تصدیق دستیاب نہیں۔