حیدرآباد: نیاز اسٹیڈیم کو پی سی بی کے حوالگی (20 سال) کی تیاری

حیدرآباد میونسپل کارپوریشن اور پاکستان کرکٹ بورڈ کے درمیان مجوزہ مفاہمتی معاہدے کے تحت نیاز اسٹیڈیم کو 20 سال کے لیے پی سی بی کے حوالے کرنے کی تیاری کی جارہی ہے۔ معاہدے کے مطابق پی سی بی اسٹیڈیم کے استعمال، انتظام اور کنٹرول کی ذمہ داری سنبھالے گا، سالانہ علامتی کرایہ 10 ہزار روپے ادا کرے گا اور گیٹ آمدن کا 25 فیصد میونسپل کارپوریشن کے ساتھ شیئر کرے گا۔ دونوں فریق حوالگی سے پہلے مشترکہ کنڈیشن سروے اور اثاثہ فہرست تیار کریں گے۔ معاہدے کا مقصد گراؤنڈ کی تزئین و اپ گریڈیشن کر کے اسے بین الاقوامی کرکٹ کی میزبانی کے قابل بنانا ہے۔