2 اکتوبر کو صبح لاہور کا ایئر کوالٹی انڈیکس آئی کیو ایئر کے لائیو ٹریکر پر 167 ریکارڈ ہوا جو 'غیر صحت بخش' زمرے میں آتا ہے، اس وقت لاہور دنیا کے بڑے شہروں میں آلودہ ترین نمبر ایک تھا۔ دوپہر تک درجہ بندی اور انڈیکس بہتر ہو کر لاہور اے کیو آئی 149 اور عالمی فہرست میں دسویں نمبر پر آگیا۔ رپورٹ میں پی ایم2.5 کی مقدار عالمی ادارۂ صحت کی سالانہ رہنما حد سے 15.2 گنا زیادہ بتائی گئی اور شہریوں کو غیر ضروری بیرونی ورزش سے گریز، کھڑکیاں بند رکھنے، باہر ماسک استعمال کرنے اور ممکنہ طور پر ہوا صاف کرنے والے آلات کے استعمال کا مشورہ دیا گیا۔ وزیراعلیٰ پنجاب نے کہا کہ صوبائی حکومت ماحولیاتی مسائل کے حل کے لیے اقدامات کر رہی ہے۔
