سینٹرل پاور پرچیزنگ ایجنسی (سی پی پی اے) نے نیپرا کی سماعت میں بتایا کہ اگست 2026 میں مہنگی آر ایل این جی اور درآمدی کوئلے پر زیادہ انحصار اور ہائیڈرو و جوہری بجلی کی کم دستیابی کے باعث فیول لاگت میں تقریباً 1.73 روپے فی یونٹ اضافی لاگت ہوئی، جس کے نتیجے میں صارفین سے بلوں کے ذریعے قریباً 25 ارب روپے وصول کرنے کی درخواست کی گئی ہے۔ سی پی پی اے نے بتایا کہ اگر حکومت کی جانب سے آر ایل این جی پر دی گئی کم قیمت سہولت نہ ہوتی تو اضافی رقم تقریباً 35 ارب روپے بنتی۔ نیپرا نے صنعتی انکریمنٹل ٹیرف پیکیج کا ازسرنو جائزہ لینے کا اعلان کیا اور صنعتی پیکیج پر الگ سماعت 5 اکتوبر کو مقرر کی گئی ہے۔ حتمی رقم اور وصولی نیپرا کے فیصلے پر منحصر ہوگی۔
