محکمہ موسمیات نے 5 اکتوبر کی رات سے 7 اکتوبر تک اثر رکھنے والے مغربی ہواؤں کے سلسلے کے تحت گلگت بلتستان، آزاد جموں و کشمیر، خیبر پختونخوا، پنجاب اور اسلام آباد کے مختلف علاقوں میں 6 اور 7 اکتوبر کو بارش، تیز ہوائیں، گرج چمک اور بعض مقامات پر ژالہ باری کی پیش گوئی کی ہے۔ سندھ اور بیشتر بلوچستان میں موسم زیادہ تر گرم و خشک رہنے کی توقع ہے تاہم بلوچستان کے ژوب، بارکھان اور موسیٰ خیل میں مقامی بارش اور آندھی کا امکان بتایا گیا ہے۔ محکمہ نے دن کے درجہ حرارت میں 2 تا 4 ڈگری کمی اور تیز ہواؤں و ژالہ باری سے کمزور تعمیرات، کھمبوں، بل بورڈز، گاڑیوں اور سولر پینلز کو نقصان کے امکانات کے حوالے سے خبردار کیا ہے اور کسانوں و متعلقہ حکام کو چوکس رہنے کی ہدایت دی ہے۔
