اسلام آباد میں پاکستان ESG پالیسی رپورٹ 2026 کے اجرا پر سینیٹر شیری رحمان نے کہا کہ ماحولیاتی، سماجی اور گورننس (ESG) رپورٹنگ کو محض رضاکارانہ یا تشہیری عمل نہیں رہنے دینا چاہیے بلکہ اسے شفاف، قابلِ تصدیق، قابلِ نفاذ اور مراعات سے منسلک نظام میں تبدیل کرنا ہوگا۔ انہوں نے کہا کہ اسٹیک ہولڈرز کے مابین قریبی رابطے، لازمی انکشافات، آزادانہ تصدیق اور کارکردگی کے مطابق قابلِ اعتبار نتائج یا سزائیں ضروری ہیں، جبکہ نجی شعبے پر صرف تعزیری بوجھ نہ بڑھانے کے لیے صاف ٹیکنالوجی اور دیگر مراعات بھی دینی چاہئیں۔ رپورٹ میں پاکستان اسٹاک ایکسچینج کی فہرست میں بڑی تعداد کمپنیوں کے با وجود قابلِ تصدیق ماحولیاتی معلومات کم ہونے کی نشاندہی کی گئی اور پاکستان گرین ٹیکسونومی کو مستقبل کے ESG ڈھانچے کا حصہ قرار دیا گیا۔
