کمشنر راولپنڈی ڈویژن سلمان غنی نے راولپنڈی ڈویلپمنٹ اتھارٹی (آر ڈی اے) کو غیر قانونی ہاؤسنگ اسکیموں، بغیر اجازت ترقیاتی کاموں اور زمین کے استعمال کی خلاف ورزیوں کے خلاف کارروائی تیز کرنے، جیو ٹٰیگنگ مضبوط کرنے اور سرکاری ریکارڈ کی باقاعدہ جانچ و تصدیق یقینی بنانے کی ہدایت کی ہے۔ اجلاس میں منظوری شدہ اور غیر منظور شدہ اسکیموں کا مسلسل جائزہ لینے، انفورسمنٹ اقدامات کو دستاویزی شکل دینے اور مختلف ڈائریکٹوریٹس کے درمیان معلومات کے تبادلے کو بہتر بنانے پر زور دیا گیا۔ رپورٹ کے مطابق کسی مخصوص اسکیم کے خلاف قانونی نتیجہ متعلقہ ریکارڈ، منظوری کی حیثیت اور قواعد کے تحت ہوگا اور شہریوں کو رہائشی منصوبوں میں سرمایہ کاری سے پہلے متعلقہ اتھارٹی سے منظوری کی تصدیق کرنے کی ہدایت کی گئی ہے۔
