وزیراعلیٰ سندھ مراد علی شاہ نے چوکھنڈی میں تقریباً 9.497 ارب روپے لاگت سے جدید اسپیشل سکیورٹی یونٹ (ایس ایس یو) ہیڈکوارٹر اور سکیورٹی ٹریننگ اکیڈمی کے قیام کو اصولی منظوری دی ہے۔ منصوبہ تقریباً 29.43 ایکڑ پر محیط ہوگا اور اس میں کمان، تربیتی، رہائشی اور معاون سہولتیں شامل ہوں گی جن میں مرد و خواتین اہلکاروں کے لیے تربیتی و رہائشی بلاکس، فائرنگ رینجز، ٹیکٹیکل ٹریننگ زونز، ڈائننگ ہالز، طبی ڈسپنسری اور سکیورٹی انفراسٹرکچر شامل کرنے کی تجویز دی گئی ہے۔ حکام نے پہلے مرحلے کی لاگت تقریباً 4.483 ارب روپے بتائی ہے اور ابتدائی کام شروع کرنے کے لیے محکمہ داخلہ کی طرف سے 50 کروڑ روپے کی ری اپروپری ایشن کی تجویز دی گئی ہے۔ وزیراعلیٰ نے ماسٹر پلان کا دوبارہ جائزہ اور مرحلہ وار تکنیکی و مالی جانچ کی ہدایت کی ہے۔
