محکمہ موسمیات کے مطابق 5 اکتوبر کی رات داخل ہونے والی ایک مغربی لہر 6 اور 7 اکتوبر تک اثر انداز رہنے کا امکان ہے۔ اس کے نتیجے میں خیبرپختونخوا، گلگت بلتستان، آزاد کشمیر، اسلام آباد اور پنجاب کے متعدد اضلاع میں بارش، تیز ہوائیں، گرج چمک اور بعض مقامات پر ژالہ باری متوقع ہے۔ محکمہ نے کمزور ڈھانچوں، کچے گھروں، بجلی کے کھمبوں، بل بورڈز، گاڑیوں اور سولر پینلز کو نقصان کے خدشے سے متعلق احتیاط کی ہدایت کی ہے، دن کے درجہ حرارت میں 2 تا 4 ڈگری سینٹی گریڈ کمی کی پیش گوئی اور کسانوں کو فصلوں کی منصوبہ بندی کی مشورہ بھی جاری کیا۔ سندھ اور بلوچستان کے بیشتر علاقوں میں موسم عام طور پر گرم اور خشک رہنے کا امکان ہے، البتہ بلوچستان کے چند شمال مشرقی مقامات پر بارش کا امکان ہے۔
