دنیا سے متعلق تازہ ترین خبریں اور اہم پیش رفت
چینی وزارت خارجہ نے اعلان کیا ہے کہ ایران کے وزیر خارجہ عباس عراقچی 16 ستمبر کو چین کا دورہ کریں گے اور چینی ہم منصب وانگ یی سے بات چیت کریں گے۔ یہ دورہ مشرق وسطیٰ میں جاری جنگ اور تہران، واشنگٹن کشیدگی کے دوران ہو رہا ہے۔
سعودی زیر قیادت اتحاد نے کہا ہے کہ خمیس مشیط، ابہا اور طائف پر حوثی میزائل اور ڈرون حملوں میں 13 شہری معمولی سے درمیانی نوعیت کے زخمی ہوئے اور گھروں و گاڑیوں کو نقصان پہنچا۔ اتحاد نے سعودی خودمختاری اور شہریوں کے تحفظ کے لیے سخت جواب دینے کا اعلان کیا ہے۔
امریکی فضائیہ کے سیکریٹری ٹرائے مینک نے پہلی بار باضابطہ طور پر کہا ہے کہ امریکا نے مدار میں خلائی کنٹرول ہتھیار تعینات کیے ہیں۔ ان کی نوعیت اور تعداد ظاہر نہیں کی گئی، جبکہ چین اور روس نے خلا میں ہتھیاروں کی دوڑ بڑھنے پر اعتراض کیا ہے۔
