ایف بی آر: ایک ہی STRN کے تحت فیکٹری سے گودام تک اسٹاک ٹرانسفر کو قابلِ ٹیکس سپلائی قرار نہ دینے کی ہدایت

فیڈرل بورڈ آف ریونیو (ایف بی آر) نے سیلز ٹیکس جنرل آرڈر نمبر 25 آف 2026 میں واضح کیا ہے کہ اگر ایک ہی رجسٹرڈ شخص کی فیکٹری سے اسی شخص کے گودام تک مال منتقل کیا جائے اور دونوں مقامات ایک ہی سیلز ٹیکس رجسٹریشن نمبر (STRN) کے تحت ہوں تو یہ منتقلی قابلِ ٹیکس سپلائی نہیں سمجھی جائے گی۔ ایسی کھیپ کے لیے ڈیجیٹل/ای انوائس جاری کرنا ضروری نہیں البتہ غیر فِسکل مسلسل نمبر والا اسٹاک ٹرانسفر نوٹ لازماً ساتھ رکھا جائے گا، وصولی کی تصدیق اور اسٹاک رجسٹرز اپ ڈیٹ کیے جائیں گے اور متعلقہ ریکارڈ محفوظ رکھے جائیں گے۔ اگر وصول کنندہ مختلف STRN پر رجسٹرڈ ہو تو معمول کے سیلز ٹیکس اور انوائسنگ ضوابط لاگو ہوں گے۔