فیڈرل بورڈ آف ریونیو نے Sales Tax General Order No. 25 of 2026 کے تحت واضح کیا ہے کہ اگر فیکٹری اور متعلقہ گودام ایک ہی سیلز ٹیکس رجسٹریشن نمبر (STRN) کے تحت رجسٹرڈ ہوں تو فیکٹری سے اسی رجسٹرڈ شخص کے اپنے گودام تک سامان کی منتقلی taxable supply نہیں مانی جائے گی۔ اس صورت میں ڈیجیٹل ٹیکس انوائس جاری کرنے کی ضرورت نہیں مگر مستقل نمبر والی Stock Transfer Note (STN) لازمی ہوگی جس پر "Stock Transfer — Not a Taxable Supply" درج ہوگا؛ STN دورانِ سفر موجود رکھنی ہوگی اور گودام وصولی پر اسٹاک رجسٹر اپ ڈیٹ کرنا لازم ہوگا۔ اگر وصول کنندہ گودام کا STRN مختلف ہوگا تو یہ استثنا لاگو نہیں ہوگا اور منتقلی taxable supply تصور ہوگی جس کے لیے انوائس، output tax حساب اور ریٹرن میں ظاہر کرنا ضروری ہوگا۔ ہدایات میں فیلڈ افسران کو غیر ضروری رکاوٹیں اور ڈرائیوروں کی بلاجواز تلاشی سے گریز کرنے کی ہدایت بھی شامل ہے۔
