وفاقی فنانس ڈویژن: ڈیبٹ مینجمنٹ آفس کے لیے ڈائریکٹر جنرل (ڈیبٹ) کی آسامی مشتہر

وفاقی فنانس ڈویژن نے ڈیبٹ مینجمنٹ آفس میں سینئر عہدہ ڈائریکٹر جنرل (ڈیبٹ) کی آسامی مشتہر کر دی ہے۔ عہدے کی ذمہ داریوں میں ملکی و غیر ملکی قرض کی حکمت عملی کی نگرانی، قرض کی پائیداری، ری فنانسنگ اور شرح سود کے خطرات کی مانیٹرنگ، بین الاقوامی مالیاتی اداروں اور سرمایہ کاروں سے رابطے شامل ہیں۔ یہ عہدہ ایس پی پی ایس-1 گریڈ میں رکھا گیا ہے، امیدوار کے لیے کم از کم 16 سالہ تعلیم یا متعلقہ ماسٹرز ڈگری اور کم از کم 17 سال پیشہ ورانہ تجربہ درکار ہے جن میں پانچ سال قیادتی ذمہ داری (بی ایس-20 مساوی) شامل ہوں۔ درخواستیں 18 اکتوبر 2026 تک نیشنل جاب پورٹل کے ذریعے جمع کرائی جا سکتی ہیں۔