حیدرآباد میونسپل کارپوریشن کے مطابق پاکستان کرکٹ بورڈ (پی سی بی) اور بلدیہ کے درمیان نیاز اسٹیڈیم کا انتظام 20 سال کے لیے پی سی بی کو منتقل کرنے کا معاہدہ طے کیا جا رہا ہے۔ اسٹیڈیم کی ملکیت بلدیہ کے پاس رہے گی۔ معاہدے کے تحت پی سی بی ماہانہ 10 ہزار روپے کرایہ ادا کرے گا اور گیٹ ٹکٹ آمدنی کا 20 فیصد بلدیہ کو ملے گا۔ پی سی بی کو انتظامی کنٹرول کے ساتھ کمرشل اور براڈکاسٹنگ حقوق بھی دیے جائیں گے اور بورڈ اسٹیڈیم کو بین الاقوامی معیار کے مطابق اپ گریڈ کرنے کا ارادہ رکھتا ہے تاکہ یہاں بین الاقوامی، فرسٹ کلاس اور پاکستان سپر لیگ کے میچز منعقد کیے جا سکیں۔
