وزارتِ ہاؤسنگ کے مطابق وزیراعظم کے اپنا گھر پروگرام کے تحت ہاؤسنگ فنانس کے لیے بینکوں کی لازمی جائیداد دستاویزات کو پانچ تک محدود اور معیاری بنا دیا گیا ہے اور اسٹیٹ بینک نے وزیراعظم شہباز شریف کی ہدایت پر متعلقہ ہدایات جاری کر دی ہیں۔ نظرثانی شدہ فہرست میں ٹرانسفر اور پوزیشن لیٹر، سائٹ پلان، مارگیج کی اجازت سے متعلق خط اور مارگیج رجسٹریشن سے متعلق دستاویزات شامل ہیں۔ سرکاری بیان کے مطابق اس تبدیلی کا مقصد قرض کی درخواست کے عمل کو سادہ کرنا، غیر ضروری کاغذی کارروائی کم کرنا اور ہاؤسنگ فنانس تک رسائی بہتر بنانا ہے۔ اپ پروگرام کے تحت گھر کی تعمیر یا خرید کے لیے ایک کروڑ روپے تک قرض کی سہولت فراہم کی جاتی ہے مگر قرض کی حتمی منظوری بینک کی کریڈٹ جانچ، درخواست گزار کی اہلیت، جائیداد کی قانونی حیثیت اور دیگر مالی قواعد سے مشروط رہے گی۔ دستیاب تفصیلات میں شہری و دیہی جائیدادیں، ہاؤسنگ سوسائٹیز، ڈی ایچ اے، کنٹونمنٹ اور دیگر تسلیم شدہ پراپرٹی کیٹیگریز فنانسنگ دائرہ میں آسکتی ہیں اور پنجاب کے گرین پراپرٹی سرٹیفکیٹ جیسے سرکاری سرٹیفکیٹس بعض صورتوں میں تاریخی ملکیتی دستاویزات کی ضرورت کم کر سکتے ہیں۔ عملی نفاذ بینکوں اور ڈی ایف آئیز کی پروسیسنگ میں دکھائی دے گا۔
