وزیراعظم شہباز شریف نے پاکستان کی لائیوسٹاک اور گوشت برآمدات بڑھانے کے لیے خصوصی برآمدی فارمز پر اعلیٰ نسل اور زیادہ پیداوار والے مویشیوں کی ڈیوٹی فری درآمد کی منظوری دے دی۔ اجلاس میں ہدایت کی گئی کہ درآمد شدہ مویشی مخصوص فارمز میں رکھا جائیں، جدید ٹیگنگ نظام متعارف کرایا جائے، شعبے کو کارپوریٹ بنیادوں پر منظم کیا جائے اور برآمدی اہداف کے لیے جامع روڈ میپ تیار کیا جائے۔ وزیراعظم نے منہ کھر کی بیماری کے خاتمے کے لیے دو ہفتوں میں عملی منصوبہ پیش کرنے کا بھی حکم دیا اور ویکسینیشن، بیماری سے پاک زونز اور بین الاقوامی سرٹیفیکیشن کے مطابق سہولیات کی بہتری پر زور دیا گیا۔ رپورٹ میں کہا گیا کہ لائیوسٹاک شعبہ قومی معیشت میں اہم حصہ رکھتا ہے اور برآمدی منڈیوں میں خلیجی ممالک مرکزی ہدف ہیں، تاہم عملی کامیابی بیماری کنٹرول، فارمز کی تصدیق، عالمی معیار کی پابندی اور نجی سرمایہ کاری پر منحصر ہوگی۔
