پنجاب: سی ٹی ڈی نے انٹیلی جنس آپریشنز میں 13 مشتبہ افراد گرفتار کرنے کا اعلان

پنجاب کے محکمہ انسداد دہشت گردی (سی ٹی ڈی) نے صوبے کے مختلف اضلاع میں 98 انٹیلی جنس بیسڈ آپریشنز کے دوران 98 افراد سے پوچھ گچھ کی اور مبینہ طور پر کالعدم تنظیموں سے روابط کے شبہے میں 13 مشتبہ افراد کو حراست میں لیا۔ کارروائیوں میں ایک ہزار 990 گرام دھماکا خیز مواد، 12 ڈیٹونیٹر، 35 فٹ سیفٹی فیوز، تین دیسی ساختہ دھماکا خیز آلات، ایک دستی بم، بعض کالعدم تنظیموں سے منسوب پمفلٹ اور رسائل، موبائل فون اور نقد رقم ضبط کرنے کا دعویٰ کیا گیا۔ سی ٹی ڈی نے 13 مقدمات درج کرنے اور مزید تفتیش جاری رکھنے کا کہا، جبکہ ادارے نے شہریوں سے مشتبہ معلومات ہیلپ لائن پر فراہم کرنے کی اپیل کی۔