اسٹیٹ بینک آف پاکستان نے بینکوں اور مالی اداروں کے لیے ڈیجیٹل فراڈ کے خطرات کی روک تھام، شناخت، نگرانی اور متاثرہ صارفین کے تحفظ کے لیے نیا فریم ورک جاری کیا ہے۔ فریم ورک میں ادارہ جاتی اور تکنیکی کنٹرولز، صارفین کی سرگرمیوں کی نگرانی، مشتبہ لین دین کی نشاندہی، توثیقی طریقۂ کار، داخلی رپورٹنگ اور شکایات کے مؤثر ازالے سمیت بروقت تحقیق کے تقاضے شامل ہیں۔ مرکزی بینک نے واضح کیا ہے کہ فریم ورک ہر صورت میں خودکار تلافی کی ضمانت نہیں دیتا اور مخصوص ذمہ داریوں و رقم کی واپسی واقعات، قواعد اور تحقیقات پر مبنی ہوں گی۔ اس اقدام کا مقصد ڈیجیٹل مالیاتی خدمات میں اعتماد برقرار رکھنا، ادارہ جاتی دفاع کو یکساں کرنا اور مشتبہ سرگرمیوں کے خلاف ردِعمل کا وقت کم کرنا بتایا گیا ہے۔
