سپریم کورٹ نے اسلام آباد، پشاور، منگورہ، کوئٹہ، کراچی اور لاہور کو ویڈیو لنک کے ذریعے جوڑ کر متعدد مقدمات کی سماعتیں کیں اور بینچوں نے کاغذی فائلوں کی بجائے مکمل ڈیجیٹل کیس فائلیں استعمال کیں۔ رپورٹ کے مطابق چیف جسٹس اسلام آباد میں پرنسپل سیٹ سے بینچ کی سربراہی کر رہے تھے جبکہ دیگر ججز اور وکلا متعلقہ برانچ رجسٹریوں سے ویڈیو لنک کے ذریعے شریک ہوئے۔ اس انتظام کا مقصد سماعتوں کے تسلسل، وقت کی بچت اور غیر ضروری سفر میں کمی بتایا گیا ہے، اور عدالت کی جاری ڈیجیٹل اصلاحات میں کیس فائلوں کی ڈیجیٹائزیشن، ای فائلنگ، بارکوڈ کیس ٹریکنگ، ویڈیو لنک سماعتیں اور ای آفس سسٹم شامل ہیں۔
