کاروبار سے متعلق تازہ ترین خبریں اور اہم پیش رفت
منصورہ لاہور میں مذاکرات کے بعد حکومت اور جماعتِ اسلامی نے پٹرولیم لیوی اور ایندھن قیمتوں میں ممکنہ ریلیف کے لیے ماہرین کی الگ ٹیمیں بنانے اور پیر سے تکنیکی بات چیت شروع کرنے کا فیصلہ کیا ہے۔
وزیرِ اعظم کی میری ٹائم ریفارمز ٹاسک فورس کے تازہ سرکاری جائزے میں یکساں پورٹ ٹیرف، پاکستان سنگل ونڈو اور فیس لیس کسٹمز اسیسمنٹ کو اہم پیش رفت قرار دیا گیا؛ حکومت کے مطابق اوسط کلیئرنس وقت 53 سے 18 گھنٹے ہوا ہے۔
پاکستان کاٹن جنرز ایسوسی ایشن کے مطابق 31 اگست تک ملک بھر کی جننگ فیکٹریوں میں کپاس کی آمد 16 لاکھ 96 ہزار گانٹھوں تک پہنچ گئی، جو گزشتہ سال کی اسی مدت سے 27 فیصد زیادہ ہے۔ سندھ میں 31 فیصد اور پنجاب میں قریب 20 فیصد اضافہ ریکارڈ کیا گیا۔
