پاکستانمسلسل اپ ڈیٹس
پنجاب: بلدیاتی انتخابات کے لیے 14 دسمبر 2026 کی مجوزہ تاریخ
الیکشن کمیشن آف پاکستان نے پنجاب حکومت کو مشاورت کے لیے بلدیاتی انتخابات کا مسودہ انتخابی پروگرام بھیجا ہے جس میں 14 دسمبر 2026 کو پولنگ کرانے کی تجویز دی گئی ہے۔ مسودے کے مطابق کاغذات نامزدگی 27 تا 30 اکتوبر میں جمع کرانے، جانچ پڑتال 2 تا 5 نومبر، اپیلیں 7 تا 11 نومبر، انتخابی ٹریبونلز کے فیصلے 12 تا 16 نومبر، حتمی امیدوار فہرست 19 نومبر کو آویزاں کرنے اور انتخابی نشانات 20 نومبر کو الاٹ کرنے کی تجویز ہے۔ یہ مسودہ مشاورتی نوعیت کا ہے اور 14 دسمبر کی تاریخ تب تک حتمی نہیں جب تک الیکشن کمیشن رسمی شیڈول جاری نہ کرے۔
