کاروبار سے متعلق تازہ ترین خبریں اور اہم پیش رفت
ایشین ڈویلپمنٹ بینک پاکستان ریلوے کے تقریباً 480 کلومیٹر طویل کراچی تا روہڑی مین لائن ون سیکشن کی اپ گریڈیشن کیلئے 1.1 ارب ڈالر تک کی مجوزہ فنانسنگ پر غور کر رہا ہے، جس میں جدید سگنلنگ، موسمیاتی لچکدار انفراسٹرکچر اور آپریشنل اصلاحات شامل ہوں گی۔
ایس ای سی پی نے پاکستان کی ورلڈ بینک بزنس ریڈی اسیسمنٹ میں پوزیشن بہتر بنانے کے لیے کمپنی معلومات کے خودکار تبادلے، اجازت ناموں کی معلومات کی مرکزی دستیابی اور خواتین و ایس ایم ای پروگراموں کی بہتر رسائی سمیت اصلاحات منظور کی ہیں۔
ایف ڈبلیو او نے مجوزہ 437 کلومیٹر فیصل آباد پشاور وائٹ آئل پائپ لائن کے لیے اوگرا میں ایسا ٹیرف فریم ورک مانگا ہے جس سے تقریباً 432 ملین ڈالر کی سرمایہ کاری چار سال میں واپس ہو سکے اور آذربائیجان کی سوکار کی شمولیت آسان بنے۔
