تمام زمروں کی تازہ ترین خبریں اور اہم پیش رفت
بھوٹان کی شنتافو برفانی جھیل کے کنارے ٹوٹنے سے آنے والے سیلاب نے گاسا تشاچو گرم چشموں اور قریبی سڑک کو نقصان پہنچایا؛ علاقہ پہلے خالی کرا لیا گیا تھا اور فوری طور پر کسی ہلاکت یا زخمی ہونے کی اطلاع نہیں ملی۔
چینی کمپنیوں کی ویزا پراسیسنگ اور سی پیک منصوبوں پر نقل و حرکت سے متعلق شکایات کے بعد حکومت چلاس ایئر اسٹرپ فعال کرنے، ہیلی کاپٹرز کی خریداری تیز کرنے اور درخواستوں کی درست ویزا کیٹیگری یقینی بنانے سمیت مختلف تجاویز پر غور کر رہی ہے۔
وفاقی سیکرٹری اطلاعات اشفاق احمد خلیل نے کہا ہے کہ صحافیوں اور میڈیا کارکنوں کے لیے وزیراعظم ہیلتھ انشورنس اسکیم کو بہتر اور زیادہ جامع شکل میں جلد شروع کیا جائے گا۔
پاکستان نیشنل کلین ائیر کانفرنس 2026 کے اختتام پر اسلام آباد کلین ائیر کمپیکٹ منظور کیا گیا، جس میں وفاقی و صوبائی تعاون، اخراج کے باقاعدہ اعداد و شمار، سخت نفاذ اور سالانہ جائزوں کے ذریعے فضائی آلودگی سے نمٹنے پر زور دیا گیا ہے۔
وزیراعلیٰ پنجاب مریم نواز کے مطابق صوبے میں فالج کے علاج کے لیے 40 پرائمری اسٹروک سینٹر فعال ہو چکے ہیں، 15 مزید مراکز زیر تعمیر ہیں جبکہ راولپنڈی، ملتان اور فیصل آباد میں جامع اسٹروک مراکز کی منصوبہ بندی کی جا رہی ہے۔
لینسیٹ کاؤنٹ ڈاؤن 2026 میں گرمی سے متعلق اموات اور معاشی نقصانات بڑھنے کی نشاندہی کے بعد پاکستانی ماہرین نے کلائمیٹ پروف ہسپتالوں، مؤثر ابتدائی وارننگ، ہیٹ ایکشن پلان اور بیماریوں کی نگرانی مضبوط بنانے کا مطالبہ کیا ہے۔
پاکستان نے اقوام متحدہ کی سلامتی کونسل میں مصنوعی ذہانت اور ابھرتی ٹیکنالوجیز کے ذمہ دارانہ اور منصفانہ استعمال پر زور دیتے ہوئے کہا ہے کہ انہیں بحری سلامتی، انسانی امداد اور قزاقی سے متاثرہ ملاحوں کے تحفظ کے لیے استعمال کیا جانا چاہیے۔
وفاقی آئینی عدالت نے پنجاب کے ریونیو حکام کو اراضی کے اشتمال سے متعلق طویل عرصے سے زیرالتوا کارروائیاں مقررہ قانونی مدت یا معقول وقت میں مکمل کرنے کی ہدایت کرتے ہوئے غیر ضروری التوا سے گریز کا حکم دیا ہے۔
سینئر صوبائی وزیر شرجیل انعام میمن کے مطابق iwork4Sindh پلیٹ فارم کے ذریعے نئے گریجویٹس کے لیے انٹرن شپ پروگرام اگلے ماہ شروع کیا جائے گا، جبکہ مارکیٹ کی ضروریات کے مطابق مختصر عملی کورسز کا اگلا مرحلہ بھی شروع ہو رہا ہے۔
قومی اسمبلی اور سینیٹ میں اپوزیشن ارکان نے خیبرپختونخوا کی سیاسی صورتحال اور مبینہ انسانی حقوق خلاف ورزیوں پر تشویش ظاہر کی، جبکہ دونوں ایوانوں میں انتخابی اصلاحات، پارلیمانی اداروں اور آبادی میں اضافے کے مسئلے پر بھی گفتگو ہوئی۔
فریڈم نیٹ ورک کی امپیونٹی رپورٹ 2026 کے مطابق پاکستان میں صحافیوں کے خلاف دستاویزی خلاف ورزیاں کم ہونے کے باوجود قانونی کارروائیوں اور پی ای سی اے کے استعمال نے میڈیا کارکنوں کیلئے ایک نئے دباؤ کی شکل اختیار کی ہے۔
حکومت نے ہائی اسپیڈ ڈیزل کی قیمت میں 85 پیسے فی لیٹر اضافہ کر دیا ہے جس کے بعد نئی قیمت 400.67 روپے ہوگئی، جبکہ پٹرول کی قیمت 377.91 روپے فی لیٹر برقرار رکھی گئی ہے۔
وزیراعظم شہباز شریف نے علامہ اقبال انٹرنیشنل ائیرپورٹ لاہور اور جناح انٹرنیشنل ائیرپورٹ کراچی کی توسیع کی منظوری دیتے ہوئے منصوبوں کو عالمی معیار کے مطابق مکمل کرنے، تھرڈ پارٹی ویلیڈیشن اور مسافروں کی سہولت بہتر بنانے کی ہدایت کی ہے۔
نجی تھنک ٹینک PRIME نے اندازہ لگایا ہے کہ دو نئے صوبوں کی تشکیل سے سالانہ 47 سے 57 ارب روپے جبکہ 30 ڈویژنل اکائیوں کو صوبہ بنانے کی صورت میں بنیادی حکومتی ڈھانچے کی سالانہ لاگت 730 ارب روپے تک پہنچ سکتی ہے۔
وفاقی آئینی عدالت نے چار دہائیوں سے جاری زمین کی کنسالیڈیشن کے مقدمے میں تاخیر پر تشویش ظاہر کرتے ہوئے ریونیو حکام کو غیر ضروری التوا سے گریز، فیصلوں کی وجوہ درج کرنے اور پرانے مقدمات بروقت نمٹانے کے رہنما اصول جاری کیے ہیں۔
