موسم و ماحول سے متعلق تازہ ترین خبریں اور اہم پیش رفت
روئٹرز کی تحقیقات کے مطابق عالمی ادارے آئی پی سی سی کے رکن ممالک نئی موسمیاتی سائنسی جائزہ رپورٹ کے اجرا کے شیڈول پر متفق نہیں ہو سکے۔ ماہرین کو خدشہ ہے کہ تاخیر سے عالمی مذاکرات کے لیے تازہ سائنسی معلومات دستیاب ہونے میں مشکل پیدا ہو سکتی ہے۔
راولپنڈی کی ضلعی انتظامیہ نے نالہ لئی کے اطراف 2001 کے سیلاب کے بعد حاصل کی گئی 300 کنال سے زائد اراضی کی دوبارہ حد بندی اور تجاوزات ختم کرنے کا فیصلہ کیا ہے۔ نالے میں کچرا پھینکنے والوں کے خلاف کارروائی کی بھی ہدایت دی گئی ہے۔
اسلام آباد کے سیکٹر ایف ایٹ میں تین درخت اور دیگر درختوں کی شاخیں کاٹے جانے کی اطلاع پر سی ڈی اے کے محکمہ ماحولیات نے ایک فاریسٹ گارڈ اور فاریسٹر کو معطل کردیا، مبینہ کردار کی مزید جانچ باقی ہے۔
